الإبتزاز الإلكتروني !!

• في حالات نصب وإبتزاز إلكتروني بتحصل للجنسين شباب وبنات، وطبعاً ده بيتم عن طريق الإحتيال الإلكتروني، يعني مثلاً ممكن تلاقي حساب بأسم شخصية معروفة، [ دكتور / مطرب / شخصية مشهورة / إلخ ... ] وعلشان تتأكد من الشخصية دي أحياناً بتطلب إنك مثلاً تشوفه على الكاميرا، وبمجرد ما تشوفه أكيد الثقة هتبقى بنسبة 100% لكن أزاي ده بيحصل ..؟! 

• في برامج كتير جدًا للكاميرا المزيفة على سبيل المثال لا الحصر، برنامج 

WebcamMax

ده بيقدر يعرض صورة أو مقطع ڤيديو أنت تختارها، ولما تدخل

 على الـ

 Messenger

 مثلاً أو على برامج تواصل بالكاميرا بيبدأ يعرض الصورة أو مقطع الڤيديو للشخص وبالتالي كدة الموضوع مش محتاج غيّر أن الشخص يسجلك ڤيديو في وضع مش لطيف وبعدها يبدأ يبتزك بالشيء ده،

• هنأخد مثال وهقول مثلاً لو لقيت واحدة زي أليسا / نانسي أو فلانة / عاملة حساب والناس بتضيفها وهي بتختار بعضهم تتكلم معه على الخاص، بيطلب يتأكد من شخصيتها عن طريق الكاميرا، ويبدأ الهاكر المنتحل صفة فلانة، بتشغيل إحدى  البرامج سالفة الذكر.!

• وبعدها هيبدأ يطلب من الضحية تشغيل الكاميرا الخاصة بيه، وفي الحالة دي طبعاً هيقدر الهاكر يتستدرجك ويصورك في وضعية مش لطيفة بعد يوم / يومين من حب فلانة المشهورة جدًا أنت أكيد مش محتاج تفهم أكتر من كدة، 

• وكذلك الأمر على البنات، هينتحل صفة مطرب مشهور مثلاً ويبدأ يتواصل مع البنات بنفس الطريقة إللي أستخدمها مع الشباب، وطبعاً، الموضوع هدفه إبتزاز مادي بحت، 

• في الفترة الآخيرة لاحظت إستخدام بعض ضعاف النفوس حسابات بأسماء أطباء مشهورين، أطباء جلدية - تجميل - ألخ، وأثناء المحادثة بيتم طلب صورة للمريضة أو المريض حسب نوع الإصابة، وبعدها ممكن الأمر يتطور للمراسلة عبر الكاميرا 

• ولو المريض أو الضحية حب يتأكد من شخصية الطبيب بيستخدم الهاكر المنتحل صفة 

الطبيب للبرامج دي علشان يوهم الضحية انه فعلاً الطبيب وفي اللحظة دي أكيد هتفتح كاميرا وأنت مطمئن لإنك في حالة 

" كشف Online "

 ولا حياء في العلم 

• تفادي النوع ده من الإبتزاز الإلكتروني بينم عن طريق قتل فضولك نهائياً تجاه إكتشاف أشياء لا تعلمها على الإنترنت، إستخدام " شريط لاصق " على كاميرا اللابتوب لتفادي 

باتشات الإختراق اللي ممكن جدًا تقع فيها عن طريق الصدفة لتصفح إحدى المواقع اللي عليها 
Downloader Patch 

في بعض الصغار بيعملوها بشكل عشوائي أو

 Random Hacking

 لأي أستفسار لا تترد بطرح سؤالك في التعليقات، 

"وكتبه " أبو عُمر